Мазкур учрашув Қатарда Исроил ва ҲАМАС вакиллари ўртасида ўт очишни тўхтатиш бўйича билвосита музокаралар давом этаётган паллага тўғри келди. Аммо воқеликда Ғазода зўравонликлар давом этмоқда. Яқинда Ямандаги ҳусийчилар Қизил денгиздаги иккинчи кемага ҳужум уюштирди.
Ғазо Соғлиқни сақлаш вазирлиги маълумотларига кўра, уруш бошлангандан буён камида 57 минг 523 киши ҳалок бўлган, 136 617 киши эса яраланган. Шунингдек, 2023 йил 7 октябрдаги ҲАМАС ҳужумлари чоғида Исроилда 1139 киши ҳалок бўлган, 200 дан зиёд инсон асирга олинган эди.
Шу билан бирга, Ғазодаги очлик ва санитария инқирози аҳолининг аҳволини янада оғирлаштирмоқда. Шифокорлар болалар ўртасида менингит ҳолатлари кўпайганидан хавотир билдирди.