Макроиқтисодий ва ҳудудий тадқиқотлар институти 2025 йил июн ойида мамлакатдаги иккиламчи автомобиль бозорини таҳлил қилди. Унга кўра, бензинда ҳаракатланувчи маҳаллий автомобиллар нархи ўсиш тенденциясига кирган бўлса, электромобиллар сегментида аксинча — пасайиш кузатилган.
Онлик, Ласетти, Кобальт, Нексия ва Спарк каби маҳаллий автомобиллар ўртача 100–300 долларгача қимматлашди. Жумладан, Lacetti моделининг кам фойдаланилган тури $200, Nexia ўртача фойдаланилгани $300, Spark кўп фойдаланилгани эса $200 га ошган.
Шу билан бирга, Damas, Onix ва Cobalt каби моделларда ҳам нархлар маълум миқдорда юқорилаган. Бозордаги ушбу қимматлашиш май ойидаги қисқача пасайишдан сўнг кузатилмоқда.
Люкс тоифасидаги маҳаллий автомобиллар нархида эса турли тенденциялар мавжуд. Масалан, Equinox моделида кам фойдаланилган вариант \$1 300 га қимматлашган бўлса, кўп фойдаланилгани \$200 га арзонлашган. Malibu ўртача фойдаланилган тури эса $500 арзонлашган.
Электромобиллар сегментида эса пасайиш умумий кўринишда аниқ сезилди. Жумладан, BYD Han $1 600, BYD Song Plus EV турлари эса \$300–$675 оралиғида арзонлашган. Faqatgina BYD E2 моделида бираз қимматлашиш қайд этилган.
Хорижий автомобиллар орасида Kia K5 кўп фойдаланилган тури $777 га қимматлашган, Seltos эса \$677 арзонлашган. Chevrolet Monza ўртача фойдаланилган турида $73 миқдорида нарх ўсиши кузатилган.
Таҳлилчиларнинг фикрича, бозордаги бундай ўзгаришлар ёнилғи нархи, талаб ва таклиф, шунингдек, ташқи омиллар билан боғлиқ бўлиши мумкин.