Ўзбекистон Республикасида рақобатни тартибга солиш мақсадида қабул қилинган «Рақобат тўғрисида»ги Қонунга мувофиқ, муайян товарларни ишлаб чиқариш, сотиш ёки харид қилишда мутлақ ва ёки эксклюзив ҳуқуққа эга бўлган субъектлар устун мавқега эга деб эътироф этилади.
Шу ҳуқуқий асосга таянадиган ҳолда, Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан жорий йилда 29 та хўжалик юритувчи субъект устун мавқега эга деб топилди. Бу субъектлар мамлакатдаги товар ва молия бозорларида муайян афзалликларга эга бўлиб, уларнинг фаолияти рақобат муҳитига жиддий таъсир кўрсатиши мумкин.
Ушбу қарор қонунчиликка мувофиқ равишда расмий тартибда қабул қилинган бўлиб, унга кўра мазкур субъектларга нисбатан бозорда устун мавқе соҳиби сифатида тегишли мажбуриятлар юклатилиши мумкин. Бу эса, ўз навбатида, рақобатда тенг шарт-шароитлар яратилиши ва истеъмолчилар манфаатлари ҳимоя қилинишини таъминлашга қаратилган.
Қўмитанинг маълум қилишича, мазкур рўйхатдаги субъектларга берилган ҳуқуқлар уларнинг бозордаги фаолиятини самарали ташкил этиш учун муҳим ҳисобланади. Шу билан бирга, уларнинг фаолияти доимий мониторинг остида бўлади ва қонунбузарлик ҳолатларига йўл қўйилмаслиги таъминланади.