C-SPAN телеканали тарқатган лавҳаларга кўра, Доналд Трамп журналистлар саволига жавобан Россия армияси томонидан Украинадаги шифохонага қилинган эҳтимолий зарба ҳақида қисқача гапирди. У: «Биламан. Кўрасизлар, яна бир ишлар бўлади», – деб жавоб берди.
У бу гап орқали қандай чоралар кўрилиши ҳақида аниқ маълумот бермаган бўлса-да, бу мавзу бўйича душанба куни муҳим баёнот эълон қилишини айтди.
Аввалроқ Трамп Россияга нисбатан «катта бўлмаган сюрприз» тайёрланаётганини айтган ва Путиннинг сўнгги ҳаракатларидан норози эканини таъкидлаган эди. Бу баёнот АҚШдаги сиёсий муҳитда жиддий муҳокамаларга сабаб бўлмоқда.
Шу билан бирга, АҚШнинг Украина бўйича махсус вакили Кит Келлог 14 июл куни Киевга етиб бориши ва у ерда бутун ҳафта давомида фаолият юритиши маълум қилинди. Бу Вашингтоннинг Украинага нисбатан қўллаб-қувватлови давом этаётганини кўрсатади.
Таҳлилчиларга кўра, Трампнинг баёноти унинг Россияга нисбатан позициясида ўзгаришлар борлигидан далолат бериши мумкин.