Россиядаги Azimut Hotels меҳмонхона тармоғи расман маълум қилишича, Тошкентда жойлашган беш юлдузли International Tashkent меҳмонхонаси энди улар томонидан бошқарилади. Меҳмонхона яқин вақтларда «Azimut Grand Hotel Tashkent» номи билан иш бошлайди.
Бу иншоот 1997 йили InterContinental бренди остида фаолият юритган бўлиб, 2012 йилгача халқаро оператор назоратида ишлаган. Кейинчалик фаолияти тўхтаган меҳмонхона биноси 2024 йил ноябрда Smart Fast Stroy компанияси томонидан 26 миллион долларга сотиб олинган эди.
Эндиликда ушбу объект Azimut Hotels’нинг Марказий Осиёдаги биринчи премиум даражали меҳмонхонасига айланади. Бироқ бу меҳмонхона компания мулки эканлигини англатмайди.
Azimut Hotels 2004 йили ташкил этилган бўлиб, ҳозирда Россия, Германия, Австрия ва Исроилда 39 та меҳмонхонани бошқаради.