«Страна.ua» интернет нашри хабарига кўра, Рютте бу давлатларни Кремль билан ҳамкорликни қайта кўриб чиқишга чақирди. Унинг сўзларига кўра, мазкур мамлакатлар Москва билан бўлган алоқалардан фойдаланиб, Россияни тинчлик музокараларига ундашлари лозим.
«Илтимос, Владимир Путинга қўнғироқ қилинг ва унга тинчлик музокараларини жиддий қабул қилиши кераклигини айтинг», — деди у.
Шу билан бирга, НАТО раҳбари Россия билан ҳамкорлик қилувчи давлатлар ўз иқтисодиётига хавф туғдириши мумкинлигини очиқ огоҳлантирди. Унинг таъкидлашича, агрессив геосиёсатга кўмакдошлик қилувчи ҳар қандай давлат иқтисодий таҳдидга дуч келиши мумкин.
Бунгача, 14 июл куни АҚШ президенти Доналд Трамп Кремлга 50 кунлик ультиматум тақдим этган эди. Унинг баёнотига кўра, агар шу муддат ичида Украина бўйича келишувга эришилмаса, Россия ва унинг савдо ҳамкорларига нисбатан 100 фоизлик импорт божлари жорий этилади.
Шунингдек, Трамп Киевни қўллаб-қувватлаш учун янги модел таклиф қилган: АҚШ қурол-аслаҳани Европа ва НАТОга сотади, улар эса уни Украинага етказиб беради. Яқин кунларда Украинага 17 та Patriot ҳаво ҳужумидан ҳимоя тизимлари жўнатилади.