Ўзбекистоннинг 21 ёшли футболчиси Асадбек Бегларханов Европа клуби билан шартнома имзолади.
Маълумотларга кўра, ёш ҳужумчи Руминиянинг «Бихор» жамоасига эркин агент сифатида ўтган. У клуб билан бир ярим йиллик шартнома имзолаган. Унгача у Тошкентнинг «Локомотив» жамоаси ёшлар таркибида тўп сурган.
Асадбек Бегларханов 2004 йил 1 апрелда Тошкент шаҳрида туғилган. У ҳужумкор ярим ҳимоячи ҳисобланади.
Шуни таъкидлаш жоизки, Беглархонов ҳали катталар даражасида ўз маҳоратини намойиш этишга улгурмаган. «Бихор» эса ўз навбатида Руминия иккинчи лигасида иштирок этади.