Ўзбекистонда юк ташиш қоидаларини бузиш ҳолатларини олдини олиш мақсадида трассаларга замонавий электрон тарозилар ўрнатилиши бошланди. Бу ҳақда ижтимоий тармоқларда видеолавҳалар тарқалди.
Кадрларда кўринадики, махсус мосламалар автомобил йўлида ўрнатилаётган бўлиб, ҳайдовчиларнинг юк миқдори қонун билан белгиланган чегарадан ошган тақдирда жаримага тортилади.
Видео муаллифининг сўзларига кўра, мазкур техникани ўрнатишда хитойлик мутахассислар иштирок этмоқда.
Ижтимоий тармоқ фойдаланувчиларнинг аксарияти бу ташаббусни қўллаб-қувватлаган.