Speedtest Global Index томонидан эълон қилинган 2025 йил июн ойи учун янгиланган рейтингда Ўзбекистон симли интернет бўйича 76-ўринни эгаллади. Бу май ойига нисбатан тўрт поғона пастлашни англатади. Ҳозирги кунда мамлакатда симли интернетнинг ўртача тезлиги 86,75 Мбит/с.
Мобил интернет бўйича эса Ўзбекистон 71-ўринда қолди. Бу кўрсаткич ўтган ойга нисбатан ўзгармаган ва ўртача тезлик 55,78 Мбит/с ни ташкил этмоқда.
Жаҳон бўйича энг тез мобил интернет Бирлашган Араб Амирликларида қайд этилган — 546,14 Мбит/с. Симли интернетда эса етакчилик Сингапурга тегишли — 393,15 Мбит/с.