Фош этилган “жамоат” 16 нафардан иборат бўлиб, уларнинг яшаш манзилларидан 37 та телефон, 51 дона нашриётсиз диний адабиёт, 40 та диск, 4 та флеш-карта, ноутбук ва планшет ашёвий далил сифатида олинган.
Гуруҳ етакчиси йиғилишларда экстремистик ва террористик мазмундаги “даъват”лар уюштирган, шунингдек, “Telegram” орқали 120 нафардан зиёд аъзоси бўлган канал ва гуруҳлар орқали “жиҳодий” контент тарқатган. Бу платформаларда ёшларга “шариат ҳукмлари” асосида радикал ғоялар сингдирилган.
Маълумотларга кўра, гуруҳ етакчиси 2022 йилда Истанбулдаги “ҳужра”да ўқиб, радикал қарашларга берилиб кетган. У отасининг насиҳатини рад этиб, уни “кофир” деб атаган.
Ҳозирда гуруҳ ташкилотчиси ва 3 нафар фаол иштирокчига нисбатан Жиноят кодексининг тегишли моддалари бўйича жиноят иши қўзғатилди ва қамоқ эҳтиёт чораси қўлланилди. Қолган иштирокчилар бўйича суриштирув ишлари давом этмоқда.