Хакаби 8 июл куни Тайдеда содир этилган воқеа — V асрга оид черков ва қабристоннинг ёқиб юборилишини шахсан ўрганди. Унинг таъкидлашича, бундай жиноятларга фақат оғзаки танбеҳ билан чекланиш мумкин эмас. Ҳужумчилар топилиб, жавобгарликка тортилиши шарт.
Элчи ушбу баёнотни бир неча кун олдин яҳудий кўчкиндилари (Фаластин ерларига Исроилдан кўчириб келинган яҳудийлар) томонидан ўлдирилган фаластин-америка фуқаросибўлган йигит иши юзасидан сўзлаган эди. У буни ҳам «террорчилик акти» сифатида баҳолаган ва жиддий тергов талаб қилганди.
Майк Ҳакаби Исроилдаги кўчкиндилар манзилгоҳлари ҳимоячиси сифатида танилган бўлса-да, у бу сафар кескин баёнот билан чиқди. Бу эса Трамп маъмурияти томонидан Исроилга нисбатан билдирилган ноодатий танқидлардан бири сифатида қайд этилмоқда.
2023 йил 7 октябрдан бери Ғарбий Соҳилдаги кўчкиндилар фаластинликларга нисбатан зўравонликни янада кучайтирган. БМТнинг Халқаро суди ўтган йили 1967 йилги урушда Исроил эгаллаган ва кейинчалик манзилгоҳлар қурилган ҳудудларни ноқонуний, деб эълон қилган. Шу билан бирга, кўплаб ҳисоботларга кўра, ҳарбийлар ҳимоясидаги қуролланган кўчкиндилар ерли фуқароларга қарши зўравонликни давом эттирмоқда.
Бу орада Исроил ҳукуматининг айбловларни рад этиши ва ҳеч қандай чора кўрмаслиги халқаро ҳамжамиятни ташвишга солмоқда.