Мазкур режага мувофиқ, «Ўзбекнефтгаз» ва Хитой Халқ Республикаси 2024 йилда йилига 1 млн тонна АИ-92 ва АИ-95 бензини ишлаб чиқариш бўйича 60/40 улушдаги инвестиция лойиҳасини йўлга қўйган. Лойиҳа Бухоро нефтни қайта ишлаш заводида (НҚИЗ) амалга оширилади.
Заводда махсус қўшилма — присадка ёрдамида АИ-92 бензини ишлаб чиқариш бўйича тажрибалар ўтказилди. Танланган технология орқали серияли ишлаб чиқариш йўлга қўйилди. Шу орқали, юқори октанли бензин таннархини пасайтириш кўзда тутилган бўлса-да, аниқ нархлар ҳали очиқланмаган.
2025 йилда Бухоро НҚИЗда жами 1 млн 30 минг тонна бензин ишлаб чиқариш режалаштирилган. Шундан 487 минг тоннаси АИ-80, қолган 543 минг тоннаси эса АИ-92+ бензинидир. АИ-80 ишлаб чиқариши фақат сентябргача давом этади. Ундан кейин ойига ўртача 90 минг тонна АИ-92+ ишлаб чиқарилиши кутилмоқда.
Шу билан, АИ-80 бензини 2025 йилнинг ўзида захиралардан тўлиқ чиқариб юборилади ва 2026 йилдан бозорда фақат юқори октанли бензин турлари қолади. Бу «Ўзбекистон–2030» стратегиясида кўзда тутилган экологик мақсадларга ҳам мос келади.