GENIUS Act («Guiding and Establishing National Innovation for U.S. Stablecoins») АҚШда криптовалюта бозорида ҳуқуқий аниқликни таъминлашни мақсад қилади. Қонун криптоактивларни чиқаришдаги талабларни, банклар ва финтех-компаниялар учун ҳуқуқий асосларни белгилайди.
Трамп ушбу қонунни «интернетдан сўнгги энг йирик молиявий инқилоб» деб атади. «GENIUS — чунки мен генийман. Шунинг учун шу номни қўйдик», — деди у ўз чиқишида.
Қонунга кўра, стейблкойнлар 1:1 нисбатда реал долларл ва нақд пул эквивалентлари билан тенг таъминланган бўлиши шарт. Бу талаблар криптовалютага ишончни ошириш ва молиявий барқарорликни таъминлашга қаратилган.
Шу билан бирга, Трамп АҚШда рақамли доллар яратилишига қарши эканини яна бир бор таъкидлади ва бунга ҳеч қанақасига йўл қўйиб бўлмаслигини билдирди.