ТАСС агентлигининг ёзишича, Ўзбекистон фуқароси Акмалжон Б. Россияга киришда радикал диний блогерлар каналларини томоша қилгани ва террорчилик фаолияти ҳақидаги видеоларни кўргани учун тўхтатилган. Суд ҳужжатларига кўра, чегара хизмати унинг бундай контентга қизиқишини хавфли деб баҳолаган ва бу ҳолат Россия хавфсизлигига таҳдид сифатида қабул қилинган.
Шунингдек, Тожикистон фуқароси Дилшод А. ҳам YouTube’да тақиқланган исломий радикал ва аксилроссия контентларига обуна бўлгани боис чегарадан ўтказилмаган. Текширув давомида у радикал руҳдаги видеоларни кўргани ва Россияга қарши тарғиботни кузатгани аниқланган.
Айрим ҳолатларда фуқаролар украинпараст каналларга обуна бўлгани ёки Россия ҳуқуқ-тартибот органлари фаолиятини танқид қилган ёзишмаларни юборгани қайд этилган. Улар чегарани кесиб ўтишдан олдин мессенжерлардаги ёзишмаларни ўчиришга уринган бўлган.
ТАСС таъкидлашича, бу каби текширувлар 2024 йил март ойидаги «Crocus City Hall»даги террорчилик ҳужумидан сўнг кучайтирилган. Ҳужумда иштирок этганликда Тожикистон фуқаролари гумон қилинган эди.
Сўнгги 1,5 йилда 20 нафардан зиёд фуқаро ушбу рад этиш қарорларини суд орқали бекор қилишга уринади, бироқ барча ҳолатда судлар чегарачилар позициясини қўллаб-қувватлаган.