Air India авиакомпанияси 22 июл куни Ню-Деҳли халқаро аэропортида учиб келган самолётида ёнғин юз берганини маълум қилди. Самолёт қўнганидан кейин ундаги ёрдамчи энергия блоги — APU ёниб кетган. Компания маълумотларига кўра, ёнғин ускунанинг автоматик ўчиши билан назоратга олинган.
Ҳодиса йўловчилар самолётдан тушаётган вақтда рўй берган. Барча йўловчилар хавфсиз равишда эвакуация қилинган. Аммо Air India самолётга етказилган зарар хусусида аниқ маълумот бермаган.
Ёрдамчи энергия қурилмаси (APU) асосан самолёт ерга қўнганда ишлайди ва асосий двигателлар ёқилишини ҳамда муҳим тизимларни қувват билан таъминлашни амалга оширади. Мазкур ҳодисадан сўнг авиакомпания самолётни вақтинча парвоздан олиб, текширув учун ерда қолдирди.
Air India бу воқеа ҳақида Ҳиндистон авиация регуляторини хабардор қилган.
Air India сўнгги пайтларда авиация хавфсизлиги борасида жиддий танқидларга учраган. Жорий йил июн ойида Ахмадобод шаҳридаги ҳалокатли авиаҳалокатда авиакомпанияга тегишли самолёт ҳалок бўлган 260 киши билан ёниб кетган эди.