2025 йил январ–июн ойларида Ўзбекистонга жами 127 759 киши доимий яшаш учун кўчиб келган. Уларнинг кўпчилиги — 127 086 нафари мамлакатнинг бошқа ҳудудларидан келган. Қолган 673 киши эса хорижий давлатлардан қайтиб келган аҳолини ташкил этган. Бу ҳақда Ўзбекистон Давлат статистика қўмитаси маълум қилди.
Қайд этилишича, ушбу даврда жами 132 637 киши турли ҳудудларга кўчиб кетган. Улардан 127 086 нафари республика ичида жойини ўзгартирган бўлса, 5 551 нафар фуқаро хорижий давлатларга доимий яшаш учун чиқиб кетган.