Рубионинг таъкидлашича, Трамп Путин билан бир неча марта телефон орқали мулоқот қилган, яхши дипломатик алоқалар ўрнатилганига қарамай, Россия ҳеч қандай конструктив ҳаракатларни бошламаган. «Президент Трамп очиқчасига энди ҳаракат қилиш вақти келганини айтди. У интизомини йўқотмоқда ва Россия томонидан урушни тугатиш учун жиддий қадамлар кутмоқда», — деди Рубио.
Рубионинг сўзларига кўра, Россия музокараларни атайлаб чўзмоқда ва Трамп «ўзини бу қопқонга тушириб қўймоқчи эмас». Оқ уй раҳбари «суҳбатлашиш учун туганмас суҳбатлар» олиб бормоқчи эмас, деган Давлат департаменти раҳбари.
Унинг сўзларига кўра, Россия армияси 2025 йил бошидан буён 100 мингдан зиёд ҳарбийсидан ажралган.
14 июл куни Трамп очиқ баёнот билан чиқиб, Путиндан норози эканини айтди ва Кремлни 50 кун ичида Украина билан тинчлик шартномаси имзоламаса, жавоб тариқасида санкциялар ва 100 фоизгача божлар билан таҳдид қилди. Шу билан бирга, Трамп АҚШ ва Европа Иттифоқи Киевга қўшма ҳарбий ёрдам юбориш бўйича келишувга эришганини, бу ёрдамнинг молиялаштирилиши Европа томонидан амалга оширилишини маълум қилди.
Давлат департаменти матбуот котиби Тэмми Брюснинг таъкидлашича, «ултиматум» муддати музокаралар суръатига қараб ўзгариши мумкин.
Бу орада Reuters агентлиги Кремлга яқин уч манбага таяниб, Путин Трампнинг талабларини жиддий қабул қилмаётганини ва Ғарб унинг шартларини қабул қилмагунча урушни давом эттириш ниятида эканини маълум қилди.