Компания вакиллари билдиришича, мазкур қарор Parkland Mall’дан бир қатор таниқли брендларнинг чиқиб кетгани ва умумий савдо кўрсаткичларининг пасайиши билан боғлиқ. Шу пайтгача Michael Kors, Armani, Coach ва Hugo Boss каби дўконлар ҳам бу ердаги фаолиятини тўхтатган.
Apple компанияси учун Хитой АҚШдан кейинги иккинчи йирик бозор ҳисобланади. Аммо сўнгги олти чорак давомида компаниянинг Хитойдаги савдоси изчил камаймоқда. 2023 йилда Apple’нинг минтақадаги умумий даромади 66,95 млрд долларни ташкил қилди, бу эса 2022 йилдаги 74,2 млрд долларлик рекорд даражадан 10 фоизга кам.
Ҳозирги пасайиш асосан маҳаллий Huawei, Xiaomi ва Vivo компанияларининг фаол юришлари фонида содир бўлмоқда. Counterpoint Research маълумотларига кўра, 2024 йилда Apple’нинг Хитойдаги смартфон бозоридаги улуши 17,9 фоиздан 15,5 фоизгача қисқарган.
Apple вакили Браян Бамбери дўкон ёпилишига изоҳ бериб, бу қарор марказдаги чекланган фаолият имкониятлари ва савдо нуқталари сони камайиши сабабли қабул қилинганини таъкидлади.