Песковнинг таъкидлашича, Россия иқтисодиёти узоқ вақтдан буён ташқи чекловлар шароитида яшаб келмоқда, шу сабабли у ўзига хос «иммунитет» ҳосил қилган.
«Биз узоқ вақтдан бери жуда кўп санкциялар таъсири остида яшаб келмоқдамиз ва иқтисодиётимиз кўплаб чекловлар шароитида фаолият юритмоқда. Шу сабабли, табиийки, бу борада бизда маълум даражада иммунитет шаклланган. Биз президент Трамп ва бошқа халқаро вакилларнинг бу мавзудаги баёнотларини кузатишда давом этмоқдамиз», — деди у.
Эслатиб ўтамиз, Доналд Трампнинг янги ултиматуми 29 июл куни эълон қилинди. У Россияга ҳарбий ҳаракатларни тўхтатиш учун 10 кунлик муҳлат берди. Аввалроқ, 14 июлда, Трамп бу муддатни 50 кун деб белгилаганди, аммо кейинчалик Путиннинг ҳаракатларидан кўнгли қолганини айтиб, уни қисқартирди. АҚШ президенти Москва Вашингтоннинг саъй-ҳаракатларига қарамай, вазиятни кескинлаштиришни давом эттираётгани ва Украинанинг тинч шаҳарларига ҳужум қилаётганини таъкидлаган. Белгиланган муддат тугагач, Трамп иккиламчи санкциялар — Россия ва унинг савдо ҳамкорларига қарши 100 фоизлик божлар жорий этишни ваъда қилган. Оқ уй раҳбари янги чекловларнинг жаҳон нефт бозорига таъсиридан хавотирда эмаслигини билдирган. «Йўқ, бу мени ташвишга солмайди. Мамлакатимизда нефт жуда кўп. Биз қазиб олишни кўпайтирамиз», — деган Трамп.