Ўзбекистон Республикаси товар-хомашё биржаси орқали ярим йил ичида 80 мингдан ортиқ «чиройли» рақамлар онлайн аукцион орқали сотилди. Жами тушум 378,7 миллиард сўмни ташкил этди. Харидорларнинг 96 фоизи жисмоний шахслар, қолгани — юридиклар бўлди.
Рақамлар энг арзони 1,7 миллион сўмдан сотилган бўлса, энг қиммат рақам учун 509,6 миллион сўм тўланган.
Маълумот учун, жорий йилнинг май ойида онлайн аукционда автoрақам 722,3 миллион сўмга (комиссия ва бошқа йиғимлар билан бирга) сотилган эди. Бу ҳозирча 2025 йилда кимошди савдосида қайд этилган энг юқори нархдаги автoрақам ҳисобланади.