Янгиланишлар орасида энг асосий функциялардан бири — оммавий постларни қидириш. Энди «Постлар» саҳифасида турли каналлардан тегишли маълумотларни бир интерфейсда кўриш мумкин. Аввал бошда бу имконият фақат Telegram Premium фойдаланувчиларига тақдим этилади.
Яна бир муҳим янгилик — ҳикоялар альбомлари. Фойдаланувчилар ва канал эгалари ҳикояларни мавзуларга кўра альбомларга жамлай олади. Масалан, саёҳат фотолари, маҳсулотлар намойиши ёки мемлар тўплами. Бу бизнеслар ва контент яратувчилар учун ҳам қўшимча имконият ҳисобланади.
Ҳадялар коллекциялари функцияси эса профил ёки каналдаги ҳадяларни туркумларга бўлиб сақлаш имконини беради. Бир ҳадя бир неча коллекцияда бўлиши мумкин ва улар фильтрлар ёрдамида тез топилади. Шунингдек, профил рейтинги тизими жорий этилди — у фойдаланувчининг Telegram Yulduzlar орқали амалга оширган муваффақиятли операцияларига қараб шаклланади.
Платформада премиум ҳадялар ҳам йўлга қўйилади, улар чекланган миқдорда ва фақат Premium аъзолари учун сотилади. Шу билан бирга, @BotFather энди мини иловада ишлайди, бу эса ботлар яратиш ва бошқариш жараёнини соддалаштиради.