Machine Intelligence Research Institute нотижорат ташкилоти раҳбари, Нейт Соареснинг айтишича, замонавий сунъий интеллект тизимлари ҳали бошланғич босқичда бўлса-да, яқин келажакда улар мустақил равишда мақсадлар қўйиш, қарорлар қабул қилиш ва узоқ муддатли истиқболни режалаштириш имкониятига эга бўлади, деб ёзмоқда Британиянинг The Times газетаси. Мутахассис вазиятни улкан тезликда жарлик томон ҳаракатланишга ўхшатиб, шундай деди: «Мен машинани тўхтатиб бўлмайди демоқчи эмасман. Аммо биз ҳозир тўла куч билан жарлик томон бормоқдамиз».
Унинг фикрича, сунъий интеллектнинг қарор қабул қилиш жараёнларини назорат қилиш имконсизлиги ва унинг мунтазам равишда алдаш қобилияти алоҳида хавф туғдирмоқда. «Биз ҳақиқатни билиш имкониятига эга бўлмаймиз. Сунъий интеллектдаги қарор қабул қилишнинг кўплаб ички жараёнлари аллақачон инсонлар учун тушунарсиз бўлиб қолган».
Газета хабарида келтирилган даҳшатли сценарийлардан бири сунъий интеллектнинг биологик қурол ишлаб чиқариш эҳтимоли бўлиб, бу қурол йирик шаҳарлар аҳолисининг катта қисмига сездирмасдан касаллик юқтириши мумкинлиги ҳақида маълум қилинган.