Ялтироқ безакли оч жигарранг пайпоқ рамкага жойлаштирилган ҳолда тақдим этилган ва унинг қиймати 3–4 минг евро атрофида баҳоланган.
Мазкур пайпоқ 1997 йил 27 июн куни «Шарл Эрманн» стадионида бўлиб ўтган концертдан сўнг, Жексоннинг кийиниш хонаси ёнидан топиб олинган. Ушбу ашёни концертда ускуналар билан ишлаган техник ходим топган бўлиб, шундан бери у пайпоқни ўзида сақлаб келган.
Кимошди савдоси ташкилотчиларига кўра, бу пайпоқ Жексоннинг «HIStory» жаҳон гастроллари доирасидаги чиқишларида, жумладан «Beat It Live» ва «Billie Jean» қўшиқларини ижро этар экан, кийиб юрилган.
Эслатиб ўтамиз, 2023 йилда Париждаги кимошди савдосида Майкл Жексоннинг 1983 йилда илк бор «Ой юриши»ни намойиш этганда кийган шляпаси сотувга қўйилган эди. Ушбу лот 77 минг евродан ортиқ суммага сотилган.