OpenAI вице-президенти ва ChatGPT иловаси раҳбари Ник Турлейнинг таъкидлашича, март ойи охирида бу кўрсаткич 500 миллионни ташкил этган эди. Бир йил ичида эса иловадан фойдаланувчилар сони тўрт бараварга ошган. Турлей ижтимоий тармоқдаги хабарда: «Ҳар куни одамлар ва жамоалар ўрганмоқда, яратаяпти ва мураккаброқ муаммоларни ҳал қилмоқда. Катта ҳафта олдимизда», — деб ёзади.
Компаниянинг оммалашиши март ойида GPT-4 асосида янгиланган тасвир яратиш функцияси ишга туширилгандан сўнг сезиларли даражада ортган. Апрел ойи бошида OpenAI бош операциялар директори Брэд Лайткапнинг айтишича, ишга туширилгандан кейинги бир неча кунда 130 миллиондан ортиқ фойдаланувчи жами 700 миллиондан кўп тасвир яратган.
Обуналар сони ҳам кўпайган. Лайткапнинг маълумотича, ChatGPTнинг тўловли бизнес обуначилари жорий ҳафтада 5 миллион нафарга етган, июн ойида эса бу кўрсаткич 3 миллионни ташкил этган эди.
Sensor Tower таҳлил ширкати хисоботида қайд этилишича, 2025 йилнинг биринчи ярмида ChatGPT фойдаланувчилари иловадан ойига ўртача 12 кун фойдаланган. Бу кўрсаткич бўйича у Google ва Xдан кейин учинчи ўринда турибди. Фойдаланувчилар иловада кунига ўртача 16 дақиқа вақт сарфлаган.