Bloomberg агентлигининг маълум қилишича, Россия ҳукумати АҚШ маъмурияти, хусусан, президент Доналд Трампнинг талаблари остида Украина билан «ҳаво орқали ҳкжкм қилишни тўхтатиш» келишувига келиш имконини кўриб чиқмоқда. Манбаларга кўра, Кремл бу йўл билан Вашингтонга муайян ён бермоқчи.
Мазкур шартли тинчлик асосан дрон ва ракета зарбаларини ўзаро тўхтатишни назарда тутади, аммо у ердаги ердаги жанглар ва урушнинг умумий фронтлари тўлиқ қамраб олинмайди. Бошқача қилиб айтганда, ҳаво ҳужумлари тўхтатилиши мумкин, аммо урушнинг ўзи эмас.
Россия томони бу келишувга фақат Украина ҳам рози бўлсагина имзо чекиши мумкинлигини таъкидламоқда. Кремл вакили Дмитрий Песков «бундай учрашувлар жуда муҳим, аммо олдиндан изоҳ беришдан тийиламиз», деган Bloomberg’га.
Маълумот учун, 1 август куни Беларус президенти Александр Лукашенко ҳам АҚШ расмийлари билан олиб борган музокараларда айнан шу масала — Россия ва Украина ўртасидаги ҳаво урушини чеклаш ҳақида фикр алмашилганини айтган эди.
АҚШ президенти Доналд Трампнинг махсус вакили Стивен Уиткофф 6 августнинг эрта тонгида Москвага етиб боргани айтилмоқда. Бу ташриф 8 августга белгиланган урушни тўхтатиш бўйича ултиматумнинг якун топиши арафасида амалга оширилди.
Трамп аввалроқ Россия ва унинг савдо ҳамкорларига нисбатан янги санкциялар жорий этилишини маълум қилган эди. Унинг фикрича, агар урушни тўхтатиш бўйича аниқ силжиш бўлмаса, ушбу чекловлар амалга оширилади.
Кремл айни пайтда жиддий музокараларга тайёр эканини билдирар экан, Москвада Уиткофф ташрифи Украинадаги ҳаво зарбаларини вақтинча тўхтатиш бўйича келишув муҳокамасида марказий ўрин тутади.