Тошкент шаҳар ИИББ Йўл ҳаракати хавфсизлиги бошқармаси маълумотига кўра, ҳаракат 12:00 дан 23:00 гача тўлиқ тўхтатилади. Йўллар ёпиладиган ҳудудлар қуйидагилар:
— Чўпонота ва Қатортол кўчалари чорраҳасидан Чилонзор кўчасигача бўлган Чўпонота кўчаси;
— Чилонзор ва Чўпонота кўчалари чорраҳасидан КХАЙ кўчасигача бўлган Чилонзор кўчаси;
— Бунёдкор иккинчи даражали кўчаси — КХАЙдан Чўпон ота кўчасигача бўлган қисми.
Ҳайдовчиларга айланма ва ёндош кўчалардан фойдаланиш тавсия қилинмоқда.
Шунингдек, «Тошшахартрансхизмат» компанияси томонидан концерт иштирокчилари учун махсус бепул автобуслар қатнови ташкил этилди. Улар соат 16:00 дан бошлаб қуйидаги жойлардан ҳаракатланади:
— City Mall савдо маркази олди,
— Hyatt Regency меҳмонхонаси олди,
— Humo Arena муз саройи олди.
Автобусларнинг олд ойнасида «Бунёдкор стадиони» ёзуви бўлади. Концертдан сўнг ушбу автобуслар қатнашчиларни қайтиб чиқиш манзилларига етказади.