Доналд Трамп якшанба куни уйсиз шахслар Вашингтонни «дарҳол» тарк этиши кераклигини билдирди. Унинг сўзларига кўра, улар учун яшаш манзиллари тақдим этилади, аммо улар пойтахтдан анча узоқда жойлашади. Президентнинг айтишича, бу чоралар жиноятчиликка қарши курашнинг бир қисми ҳисобланади.
Душанба куни соат 10:00да (Ню Йорк вақти билан) Оқ уйда матбуот анжумани ўтказилиб, пойтахтдаги зўравон жиноятчиликка қарши кураш ва шаҳарнинг «эстетик тикланиши» бўйича режалар тақдим этилади. Трамп бу орқали Вашингтонни «ҳар қачонгидан ҳам хавфсиз ва чиройли» қилиш ниятида эканини айтди.
Президент шаҳар мэри Мюриэл Баузерни «яхши инсон» деб атади, аммо унинг саъй-ҳаракатларига қарамай, жиноятчилик даражаси ўсиб бораётганини ва шаҳарнинг «қиёфаси ёмонлашаётганини» таъкидлади.
Июл ойида Трамп уйсизларни қўлга олишни енгиллаштирувчи фармонни имзолаган эди. Шунингдек, ўтган ҳафтада у федерал ҳуқуқни муҳофаза қилувчи ходимларни Вашингтон кўчаларига жўнатди. Президент режасига кўра уйсизлар, жиноятчилар ва қонуний мақоми йўқ шахсларни Колумбия округидан ташқарига чиқарилиши керак.