Ғазодаги Фаластин Соғлиқни сақлаш вазирлиги, сўнгги 24 соат ичида минтақада яна 8 кишининг очликдан ўлганини маълум қилди. 2023 йил 7 октабрдан бери Ғазо сектори бўйлаб очликдан қурбон бўлганлар сони 235 нафарга етди, улардан 106 нафари болалар.
Бу рақамлар шифохонага ётқизилганларни акс эттиради. Очликдан ўлиб, уйларида қолиб кетганларнинг аниқ сони номаълум. Блокада давом этаётган минтақанинг эҳтиёжларини қондириш учун ёрдам етарли эмаслиги, очликдан ўлганлар сонининг кундан-кунга ортишидан хавотирлар борлиги ҳақида огоҳлантирилмоқда.
Вазирлик маълумотларига кўра, ҳозирда 30 мингга яқин одам тўйиб овқатланмаслик туфайли очлик ёқасида турибди. Беш ёшгача бўлган 260 минг бола тўйиб овқатланмайди. Нотўғри овқатланиш ва очлик, айниқса, чақалоқлар ва болалар танасига қайтарилмас зарар келтирмоқда.
Очликдан азият чекаётган ва даволанишга муҳтож фуқаролар ихтисослашган ёрдамга муҳтож. Исроил блокадаси туфайли бу ёрдам мавжуд эмаслиги сабабли, кўплаб тинч аҳоли ҳаётдан кўз юммоқда.