Россия элиталари Украинадаги урушдан чарчаган, аммо Путиндан қўрқиб, очиқ қаршилик билдирмаяпти. Улар илгаригидек тинч ҳаётга қайтишни истаса-да, ташқи сиёсатдаги «ҳарбий-ватанпарварлик» кайфият фақат қўрқув туфайли сақланмоқда.
Манбалардан бири — собиқ кремл амалдори шундай деган: «Ҳамма Путиндан қўрқади. Ҳеч ким муроса ҳақида гапиришни истамайди, чунки ҳаммаси ўзини ватанпарвар қилиб кўрсатиши керак». Кремлга яқин бўлган яна бир манба айрим амалдорлар урушни «шармандалик» деб ҳисоблашини ва барчаси одатдаги ҳолатга қайтишини исташини айтган. Унга кўра, 15 август куни Анкорижда бўлиб ўтадиган Путин ва Доналд Трамп саммити — бу урушни тугатиш учун «олтин имконият».
Бироқ, собиқ дипломат Борис Бондарев бу учрашувни асосан Трамп санкцияларини тўхтатиш уриниши, деб баҳолади. У Путиннинг май ойида Трамп талаб қилган отешкесим бўйича Украина билан Истанбулдаги музокаралари ҳам натижасиз якунланганини эслатди.
The Guardian манбалари ҳам саммитдан катта натижалар кутмаяпти. Уларга кўра, Путин Украина Донецк ва Луҳанск областларидан тўлиқ воз кечишини ва АҚШ уларнинг аннексиясини тан олишини талаб қилади. Шу билан бирга, Херсон ва Запорижжя устидан даъволардан воз кечиш нияти йўқ, аммо Суми ва Харкив областларидаги босиб олинган кичик ҳудудларни Киевга қайтариши мумкин.