Вазирнинг таъкидлашича, мазкур таклифлар ҳукуматга киритилган. Хусусан, Қишлоқ хўжалиги вазирлигида 17 та функция такрорланувчи ёки хусусий секторга ўтиши лозим бўлган вазифалар сифатида белгиланган. Шунингдек, молиявий ресурсга эга бўлмаган функциялар ҳам қисқартирилиши мумкин.
Спорт соҳасидаги вазифалар ҳам қайта кўриб чиқилаётгани қайд этилди. Бу жараён давлат бошқарувида самарадорликни ошириш ва ортиқча бюрократик тўсиқларни йўқотишга қаратилган.
Йиғилишда депутат Зуҳриддин Мавлонов белгиллашича, 2030 йилга қадар мамлакатда 300 га яқин давлат функцияларини хусусий секторга ўтказиш режалаштирилган. Аммо ҳозиргача бор-йўғи 11 та функция юзасидан якуний хулоса қилингани, ишлар секин кетаётгани таъкидланди.
Иқтисодиёт ва молия вазири Жамшид Қўчқоров эса айни пайтда 27 та йўналиш бўйича давлат функцияларини хусусий секторга бериш жараёни бошланганини маълум қилди. Мутасаддилар фикрича, бу ислоҳотлар давлатнинг иқтисодий фаолиятдаги улушини қисқартириб, бизнес учун кўпроқ имконият яратади.