Тошкент шаҳрида ёмғир кутилмайди. Ҳаво бирoз булутли бўлиб, шарқдан сониясига 3–8 метр тезликда шамол эсади. Кечаси ҳарорат +17…+19 даража, кундузи эса +32…+34 даража бўлиши кутилмоқда.
Қорақалпоғистон Республикаси ва Хоразм вилоятида ҳам асосан қуруқ об-ҳаво сақланади. Бу вилоятларда кечаси ҳарорат +15…+20 даража, кундузи эса +30…+35 даража атрофида бўлади.
Бухоро ва Навоийда шамолнинг кучайиши ва айрим жойларда чанг-тўзон кузатилиши эҳтимоли бор. Ҳарорат кечаси +15…+20 даража, кундузи +30…+35 даражани ташкил этади.
Тошкент, Сирдарё, Жиззах ва Самарқанд вилоятларида ҳам ҳаво бирoз булутли бўлиб, айрим жойларда шамол сониясига 13–18 метргача кучайиши ва чанг-тўзон билан кузатилиши мумкин. Кечаси ҳарорат +15…+20 даража, кундузи эса +30…+35 даража бўлади.
Қашқадарё ва Сурхондарё вилоятларида ҳам шунга ўхшаш вазият кутилмоқда. Ҳаво қуруқ, лекин шамолнинг кучайиши кузатилиши мумкин. Кечаси ҳарорат +17…+22 даража, кундузи +32…+37 даража бўлиши қайд этилган.
Андижон, Наманган ва Фарғона вилоятларида кечаси ва эрталаб қисқа муддатли ёмғир ёғиши ва момақалдироқ эҳтимоли бор. Ҳарорат кечаси +15…+20 даража, кундузи эса +27…+32 даражани ташкил этади.
Тоғли ва тоғ олди ҳудудларда ҳам қисқа муддатли ёмғир ва момақалдироқ кузатилиши мумкин. Бу ерларда шамолнинг кучайиши эҳтимолдан холи эмас. Ҳарорат кечаси +12…+17 даража, кундузи эса +18…+23 даража бўлиши кутилмоқда.