Deutsche Welle ёзишича, Зеленский 20 август куни Киевда журналистлар билан учрашувда музокаралар учун Европанинг нейтрал давлатлари ёки Туркия қабул қилиниши мумкинлигини таъкидлади. Унинг сўзларига кўра, Россия ёки Венгрияда учрашув ўтказиш мумкин эмас.
«Европаликлар ҳам таъкидлади — музокара нейтрал давлатда бўлиши керак. Швейцария ё Австрия — биз розимиз. Туркия ҳам қабул қилинади. Аммо Москвада йўқ, бу мумкин эмас», — деди Зеленский.
У Венгрия пойтахти Будапештда учрашув ўтказиш эҳтимолига ҳам изоҳ бериб, мамлакат Украина Евроиттифоққа қўшилишини қўллаб-қувватламаганини эслатди. «Виктор Орбаннинг сиёсатини Украинага қарши деб айтмайман, лекин у бизга ёрдам беришга қарши бўлди», — деди Зеленский.
Президентга кўра, учрашув санаси Россия томони ташаббус билдиргандан кейин белгиланиши мумкин. Украина ҳукумати 7–10 кун ичида хавфсизлик кафолатлари ҳақида хабардор қилиниши зарур. Шундан кейингина уч томонлама учрашув ўтказиш мумкин бўлиши айтилди.
Зеленский, шунингдек, Доналд Трамп музокарани аввал икки томонлама, кейин уч томонлама ўтказишни таклиф этганини маълум қилди. «Биз тайёрмиз, лекин россияликлар розими? Агар Москва қарши бўлса, АҚШдан қатъий муносабат кутиб қоламиз», — деди у.
Эслатиб ўтамиз, аввлроқ Путин Зеленский билан Москвада учрашмоқчилиги ҳақида хабар берган эдик.