Беларус президенти Александр Лукашенконинг фикрича, ҳозирги вақтда Украинадаги можарони якунлаш имконияти ҳар қачонгидан ҳам яқин.
«Биз Россия ва Украина ўртасидаги бу можарони тўхтатиш ва тинчлик келишувига эришиш учун ҳар қачонгидан ҳам яқинроқ ҳолатдамиз», — дея таъкидлади Лукашенко Хитой Медиакорпоратсиясига берган интервюсида.
Унинг фикрича, Россиянинг келажак дунё учун позицияси Украинаникига қараганда муҳимроқ: «Нега? Чунки бугун Россия жанг майдонида устунлик қилмоқда. Бу Украина учун ўта хавфли вазият. Украина ҳозир тўхташи, бутунлай йўқ бўлиб кетмаслик учун тинчлик битимини имзолаши зарур», — дейилади хабарда.
Беларус президенти илгари ҳам бир неча бор Россия ва Украина ўртасида музокаралар ўтказиш зарурлигини таъкидлаган эди. Аммо Минскнинг бу йўналишдаги саъй-ҳаракатлари ҳозирча самара бермаган.