Миннихановнинг таъкидлашича, болани мактабга киритмаслик уни жамиятдан узиб қўйиш демакдир.
«Ахир болани мактабга киритмасангиз, у қаерда юради? Тилни билмагани унинг айби эмас. Ҳар қандай бола уч-тўрт ойда тилни ўрганиб олади. Бу мутлақо бемаънилик», — деди у.
Унинг фикрича, муҳожирлар мамлакат учун муҳим меҳнат ресурсидир ва улар билан тизимли иш олиб бориш зарур. Ҳозирги кунда Тотористон мактабларида 3 мингдан ортиқ, олий таълим муассасаларида эса 22 мингдан зиёд хорижлик талабалар таҳсил олмоқда.
Минниханов муҳожир болаларининг рус тилини тезроқ ўзлаштириши учун махсус курслар ташкил этиш бўйича кўрсатма берди. У болаларга эҳтиёткорлик ва инсоний муносабатда бўлиш лозимлигини алоҳида таъкидлади.
Маълумот учун, мазкур қонун 2025 йил 1 апрелдан кучга кирган бўлиб, унга кўра, муҳожирларнинг фарзандлари мактабга қабул қилинмасдан олдин рус тилидан тест топшириши шарт қилиб белгиланган.