Беш йилдирки, Президент тадбиркорлар билан очиқ мулоқот қилиб келмоқда. Бу орада ҳаттоки 20 август Ўзбекистонда тадбиркорлар куни сифатида нишонлана бошлади. Бугунги қаҳрамонимиз юртимиз равнақига ҳисса қўшиш учун чет элдан Ўзбекистонга қайтиб келган тадбиркорлардан биридир.
Бу йил Тадбиркорлар куни арафасида «Фаол тадбиркор» кўкрак нишони билан тақдирланган 40 ёшли экспортчи тадбиркор Жамшид Абдуллаев 2018 йилда хориждаги ишини ташлаб, олган билимларини Ватан равнақи йўлида ишлатишга бел боғлаган. Айни кунда Ўзбекистонда етиштирилган мева-чеваларни Россия, БАА, Саудия Арабистони каби давлатларга экспорт қилиш билан шуғулланмоқда.
У 15 ёшида меҳнат қила бошлаган. Инглиз тилини пухта билиши ва футболга жуда қизиқиши ортидан «Ўзбекистон футболи» газетасига мақолалар ёза бошлаган. Ахбор Имомхўжаев, Ойбек Юнусов, Хайрулла Ҳамидовлар бу борада унга устозлик қилишган.
Шунингдек, «Сезам» радиостанциясида бошловчилик қилган, телевидениеда кўрсатув бошловчиси бўлиб ҳам ишлаган.
Ўрта мактабни АҚШда тамомлаган. Олий маълумотни Тошкентдаги Вестминиcтер университетида олган. Британиянинг Оксфорд университетида таълим олган кам сонли ўзбек тадбиркорларидан. Олий маълумотли иқтисодчи.
Жамшид Абдуллаев подкастда тадбиркорларга яратилаётган шарт-шароитлар ва имтиёзлар билан бир қаторда ҳали ечимини топишини кутаётган масалалар ҳақида ҳам гапирган. Ёш тадбиркорларга, ёшларга ўз маслаҳатларини берган. Подкастни журналист Шуҳрат Шокиржонов олиб борган.
Подкастни Youtubeʼда томоша қилинг
👉 https://youtu.be/QKbCDO-XzkQ