Расмий хабарда қайд этилишича, ҳолат юзасидан Ўзбекистон Жиноят кодексининг 116-моддаси (касб юзасидан ўз вазифаларини лозим даражада бажармаслик) бўйича жиноят иши қўзғатилган. Тергов жараёнида алоқадор шахслардан сўроқ олиш, юзлаштириш ва бир қатор мураккаб тиббий экспертизалар тайинлаш белгиланган.
Маълумотга кўра, 2016 йилда туғилган бола операциядан бир ҳафта олдин ушбу клиникада тиббий кўрикдан ўтган. Бироқ, бурин соҳасида ўтказилган ринопластика амалиётидан сўнг у ҳаётдан кўз юмган.
Бош прокуратуранинг таъкидлашича, барча зарур тергов ҳаракатлари амалга оширилгандан кейин иш бўйича қонуний қарор қабул қилинади.
Ҳозирча воқеа юзасидан қўшимча маълумотлар очиқланмаган. Тергов натижаларига кўра, айбдор шахсларга нисбатан тегишли чоралар кўрилиши кутилмоқда.