Исроил, гўёки Исроил армиясининг ҳаракатларини кузатиш учун мўлжалланган Туркиянинг илғор разведка тизимини аниқлади ва қўлга олди. Бу ҳақда Al-Hadath телеканали Исроилнинг хавфсизлик соҳасидаги манбасига асосланиб, хабар бермоқда.
Эслатиб ўтамиз, 27 август куни кеч соат 11 дан кейин Исроилнинг тўртта вертолёти ЦАҲАЛ махсус кучларини Дамашқ шаҳридан 13 километр жанубда жойлашган Ал-Қисва туманидаги ҳарбий база ҳудудига туширган. Телеканал маълумотларига кўра, босқин давомида Исроил ҳарбийлари махфий ускуналарни топишган.
Телеканал манбасининг таъкидлашича, Исроил томони ушбу ҳудудда яқинда ўрнатилган турк қурилмаларини демонтаж қилган.
Ғазода вахший ҳаракатларни амалга ошираётган Исроил асосан мусулмонлар юрти бўлган Сурияни ҳам тинч қўймаяпти.