Ҳафта охирида Ўзбекистонда ҳаво салқинлашиши кутиляпти. Бу ҳақда Ўзгидромет хабар берди.
29 август куни кундузи Ўзбекистон бўйича булутсиз ва иссиқ об-ҳаво сақланиб туради, ҳаво ҳарорати +36…+39 даража, чўл ҳудудларда ва республика жанубида баъзи жойларда +41 даражагача бўлади.
30 августдан бошлаб республика ҳудудига шимоли-ғарбдан нисбатан салқин ҳаво массалари кириб келади. Ҳаво ҳарорати аста-секин пасайиб, 30 августда +31…36 даража, 31 август- 1 сентабрда +28…+33 даражани ташкил этади.
Кечаси ва эрталаб салқин ҳаво сезиларли бўлади, 1 сентабрга келиб, ҳарорат кечаси +13…16 даражагача пасаяди.
Шу кунларда республика бўйича булутсиз ва қуруқ об-ҳаво сақланиб туради.
Республика бўйича баъзи жойларда шамол тезлиги секундига 13-18 метргача кучайиши кутилмоқда, 30-31 август ва 1 сентабрда айрим жойларда баъзида секундига 20-23 метргача кучайиши, чанг-тўзонлар билан кузатилиши мумкин.
Тошкентда ҳаво булутсиз бўлади. Шарқий шамол йўналишини ўзгартириб, шимоли-ғарбдан секундига 3-8 метр тезликда эсади, 30-31 августда секундига 10-14 метргача кучайиши, баъзи жойларда чанг-тўзонлар билан кузатилиши мумкин. Бугун кундузи ҳарорат +37…+39 даража, шанба куни +34…+36 даража, якшанба ва душанба кунлари +30…+32 даража бўлади. Ҳарорат кечалари аста-секин +13…+15 даражагача пасаяди.