Бугун мустақиллик тантаналарининг асосий байрам тадбири ўтказилади. Бу ҳақда Президент матбуот котиби хабар берди. Президент аввало Тошкентдаги «Шаҳидлар хотираси» хиёбонида ўтказиладиган маросимда иштирок этади. Шу ерда у қатағон қурбонларини хотирлаб, улар хотирасига эҳтиром кўрсатади. Шундан сўнг давлат раҳбари «Янги Ўзбекистон» боғидаги Мустақиллик монументи пойига гул қўяди.
Кечқурун эса мамлакатимиз мустақиллигининг 34 йиллиги муносабати билан ўтказиладиган байрам тадбири бўлиб ўтади. Президент тадбирда қатнашиб, халқимизга байрам табриги билан мурожаат қилиши кутилмоқда.
Шу билан бирга, кун давомида давлат раҳбарининг Тошкент шаҳрида амалга оширилаётган бунёдкорлик ишлари билан танишиши ҳам режалаштирилган. Жумладан, Ислом цивилизация маркази очилиши кутиомоқда.
Мустақилликнинг 34 йиллигига бағишланган байрам тадбирларининг одатдагидан аввалроқ ўтказилишига сабаб, Президент Шавкат Мирзиёев 31 август-1 сентябр кунлари Хитой Халқ Республикасининг Тианжин шаҳрида бўлиб ўтадиган Шанҳай ҳамкорлик ташкилоти (ШҲТ)нинг XXV саммитида иштирок этиш учун Хитойга ташриф буюради.
Шунингдек, 3 сентябр куни Пекиндаги Тиананмен майдонида Иккинчи жаҳон урушида қозонилган Ғалабанинг 80 йиллигига бағишланган ҳарбий парадни томоша қилади. Бу тадбирда дунёнинг 25 давлат раҳбарлари қатнашиши кутилмоқда.