Ўзбекистон ва Қирғизистон мустақиллигининг 34 йиллиги муносабати билан энг машҳур сайёҳлик жойларидан бири бўлган Ниагара шаршараси Марказий Осиё республикаларининг давлат байроқлари рангларида ёритилади.
Бу ҳақидаги маълумот машҳур диққатга сазовор жойнинг расмий веб-сайтида эълон қилинди.
Шоу 31 август куни кечқурун бўлиб ўтади. Шаршара маҳаллий вақт билан соат 22:30 да (Тошкент вақти билан 1 сентябр соат 7:30 да) кўк, оқ ва яшил рангларга бурканади. Ўзбекистон мустақиллиги шарафига ўтказиладиган ёритиш 15 дақиқа давом этади.
Соат 22:30 дан 22:45 гача Қирғизистон мустақиллигининг 34 йиллиги муносабати билан ёритиш қизил ва сариқ рангларга ўзгартирилади.
Тадбир Ўзбекистоннинг Канададаги элчихонаси томонидан диаспора вакиллари билан ҳамкорликда ўтказилмоқда.