Maълумотларга кўра, ҳужумлар Нангарҳор вилоятининг Шинвар тумани ҳамда Хост вилоятининг Спера туманидаги турар-жой биноларига қаратилган. Шу билан бирга, Покистон Ташқи ишлар вазирлиги ва Қуролли кучларининг Жамоатчилик билан алоқалар бўйича идоралараро бошқармаси ҳозирча «Reuters»нинг изоҳ сўровига жавоб бермади.
Агентлик хабарига кўра, сўнгги йилларда Покистон ва Афғонистон ўртасидаги муносабатлар таранг ҳолатда қолмоқда. Исломобод Кобулни ислом республикаси ҳудудида ҳужумлар уюштирувчи террорчи гуруҳлар жангариларини бошпана беришда айблайди. Афғонистон эса бу айбловларни рад этади.