Бу кўрсаткич мазкур сегментнинг иқтисодий жараёнлардаги улуши ортиб бораётганини кўрсатади.
Ҳисобот даврида битта корхона ҳиссасига тўғри келган ўртача соф фойда 202,6 млн сўм бўлди. Бу рақам аёллар раҳбарлигидаги бизнесларнинг самарадорлиги ва бозорда ўз ўрнига эга эканини англатади.
Мамлакатда тадбиркорликни қўллаб-қувватлаш дастурлари, айниқса аёллар учун яратилган молиявий ва ташкилий имкониятлар бу натижаларга ҳисса қўшгани қайд этилмоқда. Мазкур корхоналар хизмат кўрсатишдан тортиб ишлаб чиқаришгача бўлган кўплаб соҳаларда фаолият юритмоқда.
Эслатиб ўтамиз, 2025 йил 1 январ ҳолатига мамлакатда аёллар раҳбарлигидаги кичик корхона ва микрофирмалар сони 43 860 тани ташкил этган. Бу кўрсаткич 2024 йилнинг мос даврига нисбатан 2 611 тага кўпайиб, 6,3 фоизлик ўсишни қайд этди.