Тошкент шаҳар ҳокимлиги маълумотига кўра, расмий дам олиш кунлари деб эълон қилинган ушбу санада пойтахт бўйлаб жойлашган барча пулли автотураргоҳлар бепул тарзда хизмат кўрсатади. Бу қарор ҳайдовчилар учун вақтинчалик енгиллик сифатида жорий этилган.
Ҳокимлик расмийларининг қайд этишича, шу кунларда автотураргоҳлардан фойдаланганлик учун ҳеч қандай тўлов ундирилмайди ва жарималар ҳам қўлланмайди. Бу эса байрам кунлари пойтахтга ташриф буюрувчи ва маҳаллий аҳоли учун қулайлик яратиши кутилмоқда.
Мутахассисларнинг фикрича, бепул автотураргоҳлар байрам кунларида йўлларда юкламани камайтиришга ёрдам бериши мумкин. Айниқса, Мустақиллик байрамида марказий майдонлар ва дам олиш масканларига ташриф буюрувчилар сони кўпаяди.
Автотураргоҳлар одатий тартибда 2 сентябрдан бошлаб яна пуллик асосда ишлай бошлайди. Ҳокимлик ҳайдовчиларни қоидаларга риоя қилишга ва тартиб-интизомни сақлашга чақирди.