Россия президенти Владимир Путин Пекинга ташрифи якунлари бўйича ўтказилган матбуот анжуманида Украина президенти Володимир Зеленскийни музокаралар ўтказиш учун Москвага таклиф этди. Унга кўра, АҚШ президенти Доналд Трамп ҳам бундай учрашувни қўллаб-қувватлаган. «Агар Зеленский тайёр бўлса, Москвага келсин», — деди Путин.
Бироқ у Зеленскийнинг легитимлигига шубҳа билдирди. Путин Украина Конституциясига кўра, президентнинг ваколати беш йилга белгиланганини, у муддат тугаганини ва ҳарбий ҳолат ваколатни узайтириш асоси бўлмаслигини таъкидлади. Унинг фикрича, раҳбарлик ваколати спикерга ўтиши керак эди.
Путин шунингдек, Украина ҳукуматини ҳудудлар бўйича референдум ўтказишга чақирди. Аммо у бундай овоз бериш ҳарбий ҳолатда мумкин эмаслигини тан олди. «Бу йўл ҳеч қаерга олиб бормайди», — дея хулоса қилди у.
Украина расмийлари бу ташаббусни рад этиб, Кремл тинчлик эмас, вақтни чўзишга ҳаракат қилаётганини билдирди. Зеленскийнинг маслаҳатчиси Дмитрий Литвин бундай таклифни «путинчасига алдаш» деб атади Украина ташқи ишлар вазири.
Украина президенти Зеленский музокараларга тайёр эканини билдирган, аммо учрашувни Трамп ва бошқа халқаро иштирокчилар иштирокида ўтказишни маъқул кўрган. Унга кўра, Кремль ҳалигача жиддий муносабат билдирмаяпти.