Шанҳай ҳамкорлик ташкилоти саммити доирасида 1 сентябр куни Тианжин шаҳрида ўтиши керак бўлган расмий фототасвир маросими Россия президенти Владимир Путиннинг кечикиши туфайли бекор қилинди. Бу ҳақда «Коммерсантъ» мухбири Андрей Колесников хабар берди.
Маросимда 20 дан ортиқ давлат раҳбарлари иштирок этиши кутилган эди. Аммо Путин ўша пайтда Туркия президенти Ражаб Тоййиб Эрдўған билан икки томонлама учрашувда бўлгани сабабли, маросимга ўз вақтида етиб келмади. Хитой мезбон сифатида 15 дақиқа кутишга қарор қилди. Бундан сўнг Хитой раҳбари Си Жинпинг тадбирни бутунлай бекор қилди.
Бу Путиннинг халқаро тадбирларда кечикиши билан эътибор марказида қолган биринчи ҳолат эмаски. Илгарилари у Германия канцлери Ангела Меркелни бир неча марта куттирган, 2014 йилда Украина бўйича учрашувни 6 соат кечиктирган. 2003 йилда у ҳатто Британия қироличаси Елизавета II, 2013 йилда эса Рим Папаси Франциск билан учрашувларга ҳам кечиккан.
2018 йилда АҚШ президенти Доналд Трамп билан учрашувда эса тескари ҳолат юз берган — Трамп кечроқ келиб, Путинни 20 дақиқа куттирган. Аммо 2025 йил 15 августдаги Анкориж саммитида Трамп аввалроқ келган ва Путинни ярим соат кутишига тўғри келган.