Ҳар йили сентябр ойида БМТ Бош Ассамблеяси Нью-Йорк шаҳрида анжуман ўтказади. Бу йиги 80-сессия 9 сентябрда очилиб, 30 сентябрга қадар давом этади. Шу кунларда дунё етакчилари Манҳэттенда йиғилиб, ёки янада кучаяётган беқарорликка чек қўйишга уринади, ёки тартибсизликнинг кенгайишига йўл қўйиб қўйиши мумкин, деб ёзмоқда PassBlue.
Ўзбекистон президенти Шавкат Мирзиёев иштироки БМТнинг дастлабки жадвалида 23 сентябрда экани кўрсатилган. Маълумот учун, Мирзиёев биринчи марта 2017 йилда БМТ Бош Ассамблеясининг 72-сессиясида нутқ сўзлаган эди.
БМТнинг 80-сессияда 193 давлат етакчилари дунё сиёсатидаги энг долзарб масалалар юзасидан нутқ сўзлайди. Мажлисда глобал хавфсизлик, сунъий интеллект, иқлим ўзгариши, озиқ-овқат инқирози ва халқаро молия тизими масалалари муҳокама қилиниши режалаштирилган. АҚШ президенти Доналд Трамп ҳам 23 сентябр куни нутқ сўзлаши белгиланган.
БМТ бош котиби Антониу Гутерриш таклиф қилган UN80 ислоҳот дастури ҳам асосий кун тартибидан ўрин олган. Ушбу дастур халқаро ташкилот фаолиятини самаралироқ қилишга қаратилган бўлса-да, айрим давлатлар уни шошма-шошарчиликда тайёрланган деб танқид қилмоқда.
Ташриф чоғида президент Мирзиёев дунё ҳамжамияти олдида Ўзбекистоннинг ташқи сиёсий йўналишини, минтақавий хавфсизлик ва барқарор тараққиётга доир таклифларини яна бир бор баён қилиши кутилмоқда.