АҚШ президенти Доналд Трамп 1 миллион долларлик «Trump Gold Card» орқали жисмоний шахслар ва корпорацияларга резидентлик ҳуқуқини тезлаштирилган тартибда олиш имконини таклиф этди. Фармон 19 сентябр куни АҚШ президенти Доналд Трамп томонидан имзоланган. Президентнинг баёнотига кўра, бу ташаббус мамлакатга миллиардлаб ноқонуний муҳожирлар оқими ортидан тизимни тартибга солишга қаратилган.
Картанинг бошланғич нархи 1 миллион доллар қилиб белгиланган. Жисмоний шахслардан ташқари корпорациялар ҳам кейинчалик 2 миллион доллар эвазига ушбу мақомни олиши мумкин. Картанинг дизайнида президент портрети, Америка рамзлари ва «Trump Gold Card» ёзуви акс эттирилган.
Трампнинг таъкидлашича, ушбу дастур қисқа муддатда 100 млрд доллардан ортиқ маблағ келтириши кутилмоқда. Жамғарилган маблағлар солиқларни камайтириш, иқтисодий ўсиш лойиҳаларини молиялаштириш ва давлат қарзини қисқартиришга йўналтирилади.
Ҳукумат, шунингдек, «Trump Platinum Card»ни ишга туширишни режалаштирмоқда. Ушбу карта АҚШда йилига 270 кунгача яшаш имконини бериб, мамлакатдан ташқаридаги даромадлар учун солиқ тўламаслик ҳуқуқини тақдим этади. Бу ҳужжат анъанавий саёҳат визалари ўрнини босиши мумкинлиги таъкидланмоқда.