India today хабар беришича, Кундуз шаҳрида истиқомат қилувчи бола Кобул аэропортининг чекланган ҳудудига кириб, KAM Air авиакомпаниясига тегишли RQ-4401 рейси шасси қисмига яшириниб олган. Самолёт якшанба куни соат 11:00 да Деҳлидаги Индира Ганди халқаро аэропортига қўнган.
Самолёт қўнгандан кейин бола учиш-қўниш йўлагида адашиб юрган пайти авиакомпания ходимлари томонидан қўлга олинган. Кейин у Марказий саноат хавфсизлик хизматига топширилиб, аэропортнинг 3-терминалида сўроқ қилинган.
Тергов пайтида бола бу ишга фақат қизиқувчанлик туфайли қўл урганини, унинг оқибатларини англамаганини айтган. Расмийлар маълумот беришича, ўша куни соат 12:30 да қайтиб учган рейс орқали Афғонистонга қайтарилган.
Учувчилар ва хавфсизлик хизматлари самолёт қисмида текширув ўтказиб, ундан қизил рангли кичик колонка топишган. Барча текширувлар ва диверсияга қарши чоралар кўрилгандан сўнг самолёт парвоз учун хавфсиз деб топилган.