Ўзбекистонда ҳайвонот боғлари сони 7 та бўлиб, уларнинг умумий майдони қарийб 50 гектарга тенг. Бу масканларда минглаб турли хилдаги жонзотлар сақланади.
Миллий статистика қўмитаси маълумотларига кўра, 2025 йил 1 январь ҳолатига ҳайвонот боғларида жами 720 хил турдаги 19 332 та ҳайвон мавжуд. Ҳайвонот боғларидаги ҳайвонлар таркибининг асосий қисми балиқлар ва паррандалар ҳиссасига тўғри келади.
Жумладан, балиқлар сони 9 600 та, паррандалар 2 383 та, сут эмизувчилар 611 та, судралиб юрувчилар 453 та, сувда ва қуруқликда яшовчилар 63 та, бошқа турдаги ҳайвонлар эса 6 222 тани ташкил этади.
Бу кўрсаткичлар ҳайвонот боғлари фақат ҳордиқ чиқариш жойи эмас, балки биохилма-хилликни сақлашда муҳим ўрин тутаётганини кўрсатади. Шу билан бирга, улар мамлакатда ҳайвонот оламига оид илмий тадқиқотлар учун ҳам кенг имконият яратади.