Turkish Airlines ўз тарихидаги энг йирик Boeing самолётлари буюртмасини расман тасдиқлади. Янги келишув доирасида авиакомпания 35 та 787-9, 15 та 787-10 ва яна 25 та Dreamliner учун опцион келишувига эга бўлди. Бу битим орқали АҚШда 123 мингдан зиёд иш ўринлари қўллаб-қувватланиши таъкидланмоқда.
Шу билан бирга, Turkish Airlines 150 тагача 737 MAX самолёти сотиб олиш ниятини эълон қилди. Агар бу келишув тўлиқ амалга ошса, у авиакомпаниянинг Boeing таркибидаги энг йирик тор танафусли буюртмасига айланади.
Таъкидланишича, ушбу келишув Turkish Airlines Boeing паркини икки бараварга оширишга хизмат қилади. Компания халқаро йўналишлар ва ички рейслар тармоғини кенгайтириш билан бирга, флот имкониятларини замонавийлаштириш ва экологик жиҳатдан самарали қилишни мақсад қилган.
Turkish Airlines бошқарув кенгаши раиси профессор Аҳмет Бўлат таъкидлаганидек, бу битим фақатгина самолётлар хариди эмас, балки авиакомпаниянинг инновация ва самарадорликда етакчи бўлиш стратегиясининг бир қисми ҳисобланади. Унинг айтишича, янги авлод Boeing самолётлари Turkish Airlines’нинг 2033 йилга қадар флотини 800 та самолётга етказиш режасини амалга оширишда асосий омил бўлади. Айни пайтда авиакомпаниянинг авиапарки 501 та учоқдан иборат.
Шу тариқа, авиакомпания Boeing билан рекорд келишув орқали фақат флотини эмас, балки жаҳон авиация бозоридаги мавқеини ҳам кучайтиришни кўзламоқда.
Бунгача Uzbekistan Airways Boeing корпорацияси билан 14 та тўғридан тўғри яна 8 та лпцион шартларда 8 млрд долларлик жами 22 та Boeing 787-9 учоқларини харид қилиш бўйича келишувга эришгани ва бу харид учун Доналд Трамп Шавкат Мирзиёевга ташаккур билдиргани ҳақида хабар берган эдик.
Аввалроқ Туркиянинг етакчи авиакомпанияси Turkish Airlines 2025 йилнинг 8 ойида 60,7 миллион йўловчи ташиб, ўтган йилга нисбатан 5,8 фоиз ўсиш қайд этгани маълум қилинган эди.